«Jalpaq» kenishinde alǵashqy iske qosý kesheni paıdalanýǵa berildi
ASTANA. KAZINFORM - «ORTALYQ» óndirýshi kásiporny» JShS-de kásiporynnyń ekinshi óndiristik aktıvi — «Jalpaq» kenishiniń alǵashqy iske qosý kesheni paıdalanýǵa berildi, dep habarlaıdy QR Atom energııasy jónindegi agenttigi.
Alǵashqy iske qosý kesheniniń qýaty jylyna 500 tonna ýrandy quraıdy. Joba óndiristik ınfraqurylymdy kezeń-kezeńimen odan ári damytýdy kózdeıdi. Nátıjesinde jerústi qaıta óńdeý kesheniniń jobalyq qýaty jylyna 900 tonna ýranǵa jetkiziledi.
Іske qosý rásimine Qazaqstan Respýblıkasy Atom energııasy jónindegi agenttigi tóraǵasynyń orynbasary Ǵumar Serǵazın, «Qazatomónerkásip» UAK» AQ óndiris jónindegi bas dırektory Qýanysh Omarbekov, «ORTALYQ» óndirýshi kásiporny» JShS bas dırektory Aıdyn Beısenbekov, sondaı-aq kenish ujymy qatysty.
Іs-shara barysynda Qazaqstan Respýblıkasy Atom energııasy jónindegi agenttigi tóraǵasynyń orynbasary Ǵumar Serǵazın ýran óndirýshi kásiporyndardy damytý jáne jańa ken oryndaryn kezeń-kezeńimen ıgerý elimizdiń mıneraldyq-shıkizat bazasyn nyǵaıtý úshin mańyzdy ekenin atap ótti.
-Jalpaq» kenishin damytýdyń jańa kezeńi kásiporynnyń óndiristik múmkindikterin arttyryp, Qazaqstan Respýblıkasynyń atom salasyn damytýǵa úles qosatynyna senimdimin, — dedi Ǵumar Serǵazın.
Osyǵan deıin atom salasy úshin mamandar daıarlaýǵa baǵyttalǵan Salalyq keńes qurylǵany týraly jazdyq.
