Jalqaýlyq ta atadan balaǵa beriledi eken
ASTANA. Qyrkúıektiń 7-si. QazAqparat - Adamnyń ómir súrý stıli de atadan balaǵa beriledi eken. Kalıfornııa ýnıversıtetiniń ǵalymdary osyndaı kútpegen faktini anyqtap otyr, dep habarlady ITAR-TASS agenttigi brıtandyq "Deılı telegraf" basylymyna silteme jasap.
Tereńdete júrgizilgen zertteýlerdiń barysynda ǵalymdar, jalqaýlyqtyń da genetıkalyq negizi bar ekenin jáne onyń da ata-anadan balalarǵa beriletinin anyqtap otyr. Minez-qulyqpen qosa, adamnyń belsendiligi, onyń sportqa degen áýestigi de atadan balaǵa beriledi eken.
«Biz jasap otyrǵan túıinniń adamnyń densaýlyǵyna tikeleı áseri bar», - deıdi osynaý zertteýdiń jetekshisi professor Teodor Gerlend. «Jalqaýlyq pen adam belsendiliginiń tómendigi de genetıkalyq mura bolyp tabylatyndyqtan, olardy keleshekte jańa býyn dárileriniń kómegimen emdeýge bolatyn syńaıly», - deıdi ol.
