Jalqaý 249 sheneýnik jazalandy
ASTANA. QazAqparat - Qytaıda jalqaýlyǵy men jaıbasarlyǵy úshin 249 sheneýnik sazaıyn aldy. Buǵan damý jobalaryn kesh maquldap, keshiktirip qarjy bólýi sebep bolyp otyr, dep jazady islam.kz.
Provıntsıaldyq kóptegen sheneýnikterdi Qytaı Halyq Respýblıkasynyń tóraǵasy Sı Tszınpınniń sybaılas jemqorlyqpen ymyrasyz kúres júrgizip otyrǵan saıasaty shoshytyp tastaǵan. Korrýptsııaǵa baılanysty kúdikke ilikpesi úshin ortalyqtan bólingen qarjyny ıgermeı otyr. Jalpy sany 24 provıntsııalyq jáne qalalyq 249 bılik ókili qyzmetinen shettetildi nemese qyzmeti tómendetildi. Ekonomıkany damytý úshin esepshottarda jınalyp qalǵan, ıaǵnı, ıgerilmegen 296 mıllıard ıýan (46,5 mıllıard dollar) shuǵyl túrde áleýmettik jáne damý jobalaryna ınvestıtsııalandy.
