Jalǵyzsyrap júrseń telefonyńdy tasta - Vox
NUR-SULTAN. QazAqparat - «Jalǵyzsyrap júrsiń be? Zeriktiń be? Buǵan qolyńdaǵy telefon kináli», dep jazady Vox basylymy.
Maqala avtorynyń jazýynsha, qazirgi adamdardyń sezimi 19 ǵasyrda ómir súrgen adamdarǵa qaraǵanda kóp ózgeshe. Buǵan tehnologııalar áser etken.
«Zertteýshiler áleýmettik jeliler adamdy ózimshil etedi, kópshiligi jalǵyzsyrap júredi deıdi. Rasymen de solaı ma?», deı kele avtor «Bored Lonely Angry Stupid» atty kitap avtory 19, 20 ǵasrdaǵy adamdardyń sezimderi qazirgi qoǵamnan ózgeshe bolǵanyn aıtady.
«Tehnologııa qoǵam men adamnyń emotsııasyna tikeleı áser etedi. Adamdar emotsııasyn kórsetý úshin tehnologııaǵa júginedi. Degenmen, tehnologııalar da adam emotsııasyn ózgertedi», dep jazady avtor.
Veber atyndaǵy ýnıversıtet tarıhshysy, joǵaryda aty atalǵan kitap avtory Sıýzen Dj. Metttiń aıtýynsha, 19 ǵasyrda «jalyǵý, zerigý» degen túsinik múldem bolmaǵan.
«Emotsııa tarıhyn zertteý jumystary kórsetkendeı, ár ǵasyrda emotsııa aty adamdardyń ishki sezimin ártúrli sıpattaǵan. ıAǵnı, qazirgi sezim attary kezinde múldem basqa emotsııany sıpattaǵan bolýy múmkin», dep jazady avtor. Onyń aıtýynsha, 1920 jyldary adamdar radıo ózderin jalǵyzdyqtan qutqara alady dep oılaǵan.
«Qazir radıonyń ornyn smartfon basty. Smartfon arqyly adam jalǵyzdyqtan qutylǵysy keledi. Áleýmettik jeli paıda bolǵaly adamdar sýretterin óńdep salady. Osylaısha ózderin kórsetkisi keledi. Ózderin mańyzdy sezingisi keledi. Zertteýshilerdiń aıtýynsha, bul sezim adamdardy yzaly ete túsedi», dep jazady avtor.
