Jalǵyzdyq dertke shaldyqtyratyny belgili boldy
ASTANA. QazAqparat - AQSh-tyń Chıkago ýnıversıtetiniń ǵalymdary jalǵyzdyq saldarynan adam túrli dertterge shaldyǵyp, tipti ómirden erte ótýi múmkin ekendigin málim etti.
Olar adamdar uzaq ýaqyt jalǵyz ómir súrgen jaǵdaıda mı jumysy buzylyp, adamnyń ımmýndyq júıesi tolyqtaı zaqymdanady degen tujyrymǵa keldi. Proceedings of the National Academy of Sciences ǵylymı jýrnalynda osy zertteýdiń nátıjesi jaıly egjeı-tegjeıli málimetter keltirilgen maqala jaryq kórdi.
Maqalada jalǵyzdyq adam densaýlyǵyna qanshalyqty zııan ekendigi jan-jaqty dáleldengen. Qoǵamnan bólektenip ómir súrgen adamnyń erte ólý qaýpi 14 paıyzǵa artatyny aıtylǵan.
Ǵalymdardyń paıymynsha, adam jalǵyz bolǵan kezde ózin qorǵansyz sezinip, qobaljýmen bolady. Bul onyń geniniń belsendiligin arttyryp, aǵza múshelerinde qabyný qaýpin arttyrady. Osydan ımmýnıtet tómendep, adam túrli dertterge shaldyǵady.
