Jalǵyzdyq bıznes kózine aınaldy - Vox
NUR-SULTAN. QazAqparat - «Búgingi tańda jalǵyzsyrap júrgen adamdarǵa arnap dostar tabýǵa bolatyn qosymshalar jasalyp, túrli jataqhanalar ashylýda.
Tipti, arnaıy kovorkıng ortalyqtary da salynýda. Jastar arasynda jalǵyzdyq keń tarap barady. Jastar otbasyn qurýdy keıinge qaldyryp, jumys sońyna tústi. Kóbi dástúrli keńseden tysqary jalǵyzdyqta jumys istegendi de qup kóre bastady», dep jazady Vox basylymy.
Avtordń aıtýynsha, sońǵy onjyldyqta áleýmettik ızolıatsııaǵa qarsy áreketter bızneske aınala bastaǵan.
«Frılanserlerge birge jumys isteýge múmkindik beretin alańdar, jataqhanalar men adamdardy baılanystyrýǵa arnalǵan qosymshalar iri bızneske, qýatty marketıngtik múmkindikke aınaldy. Bul salaǵa salynatyn ınvestıtsııa artyp, ınfraqurylym jetilip, qyzmet túrleri kóbeıdi», deı kele avtor bulardyń paıdasy bar ma degen suraqqa jaýap izdeıdi.
Avtordyń jazýynsha, bireýler qarjylandyratyn mundaı bıznes áleýmettik problemalardy odan saıyn kóbeıtýi múmkin.
«Mundaı bıznes ókilderi adamdarǵa qoǵamda óz ornyn taýyp, bir-birimen baılanys ornatýǵa kómektesetinin aıtady. Chıkago ýnıversıtetinde jıyrma jyl boıy jalǵyzdyqty zerttegen neırobıolog Djon Kachıopponyń aıtýynsha, jalǵyz adamnyń mıy áleýmettik qaýipke daıyn bolady. Sol sebepti kóp jaǵdaıda mundaı sharalar keri áser etip, aǵzany zaqymdaýy múmkin», dep jazady avtor.
Ǵalymdardyń aıtýynsha, mundaı sharalar kerisinshe adamnyń jaǵdaıyn ushyqtyryp jiberedi.
«Tanys emes adamdarmen tanysyp, orta qalyptastyrý jaǵdaıdy qıyndata túsedi. Bul kompanııalar qoǵam qajettilikterin qanaǵattandyrýǵa tyrysady. Degenmen, bul problemany basqa qyrynan sheshý kerek.
Marketıng professory I.Vangtiń aıtýynsha, jalǵyz jumys istep úırengen mı «áleýmettik baqylaýdan» qashady. ıAǵnı, jalǵyzsyrap júrgen adamdarǵa osyndaı uıymdar men ortalyqtar ashyp kómektesý qıyn. Bul tek bıznes kózine aınalǵan», dep jazady basylym.
