Jalǵyzbasy ata-analardyń qashyqtan jumys isteýin zańnamalyq turǵyda qarastyrý qajet –Toqaev

NUR-SULTAN. QazAqparat – Jalǵyzbasy ata-analardyń qashyqtan jumys isteý quqyǵyn zańnamalyq turǵyda qarastyrý qajet. Bul týraly Ulttyq qoǵamdyq senim keńesiniń 6-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

QR Prezıdenti memleket saıasatynyń basym baǵyttarynyń biri ana men balany qoldaý ekenine nazar aýdartty. Sonymen qatar áıel adamdar bala kútimimen uzaq ýaqyt otyrǵanda kásibı qabiletin tómendetip alatynyn, tipti jalǵyzbasty ata-analarǵa mundaıda tipti qıynǵa soǵatynyn, olarǵa erekshe eńbek jaǵdaıy jasalýy kerek ekenin basa aıtty.

«Olar úshin erekshe eńbek jaǵdaıyn jasaý qajet. Jalǵyzbasty ata-analardyń qashyqtan jumys isteý jáne jumys isteýdiń qysqartylǵan rejımi quqyǵyn zańnamalyq deńgeıde qarastyrǵan jón. Damyǵan elderde iri kompanııalar óz keńselelerde balalar bólmelerin ashyp jatady. Mundaı tájirıbe bizde de normaǵa aınalýy tıis»,- dedi Qasym-Jomart Toqaev.

Memleket basshysynyń atap ótýinshe, ol úshin atalǵan sanatqa kiretin jumysshynyń múddesin eskeretin jumys rejımin retteýdiń tıimdi tetikterin engizý qajet. Bul rette úzdiksiz eńbek protsesin, soǵan saı óndiristi qamtamasyz etý de mańyzdy.