Jalǵyz basty ana tanysyn pyshaqtady degen kúdikpen tergelýde
TALDYQORǴAN. QazAqparat - Almaty oblysynyń Іle aýdanyndaǵy Aşybulaq aýylynda pyshaq jaraqatyn alǵan er adam aýrýhanaǵa jetkizilip, eki saǵattan keıin esin jımastan kóz jumdy, dep habarlaıdy QazAqparat tilshisi.
Medıtsına qyzmetkerleriniń aqparatyna sáıkes jaraly azamattyń qaı jerden ákelingeni anyqtaldy. Tártip saqshylary úı ıesi 30 jastaǵy kelinshekti kúdikti retinde ustady. Tergeý barysynda azamatshanyń eki bala tárbıelep, qaza bolǵan jigitpen otbasy qurýdy josparlap júrgeni anyqtaldy. Kúdikti áıeldiń túsiniktemesinde jigittiń Ózbekstan eliniń azamaty ekeni belgili boldy. 27 jastaǵy jábirlenýshi Іle aýdanyna jumys izdep kelgen. Er azamattyń eshqandaı qujaty tabylmaǵandyqtan tártip saqshylary qazir onyń aty-jónin naqtylap jatyr.
Kúdiktiniń aıtýynsha, zardap shekken jigit pyshaqty áıeldiń qolyna ustatyp, óz qolymen keýde taqap, suǵyp alǵan.
Kelinshektiń túsiniktemesi sot aldy tergeý kezinde tolyq tekseriledi. Qazir ol boınysha QR QK-niń 106-baby, 3-bóligimen qylmystyq is qozǵaldy. Kúdiktiniń turaqty meken jaıy jáne eki balasy bar ekenin eskere otyryp, qolhatpen úıine jiberildi.
