Jalǵyz baspanany kepilge qoıýdyń qajeti joq - maman pikiri
ASTANA. QazAqparat - Parlament Májilisinde jeke tulǵalardyń tólem qabilettigin qalpyna keltirý týraly zań jobasy talqylandy, dep habarlaıdy QazAqparat.
«Nur Otan» partııasynyń Májilistegi fraktsııasy janyndaǵy Ekonomıkalyq saıasat jónindegi keńestiń kezekti otyrysynda depýtat Amanjan Jamalov jalǵyz baspana máselesine jeke toqtaldy.
Aıta keteıik, zańnama normasynda boryshkerdiń jalǵyz baspanasyn ótkizýge tyıym salý tetikteri eskerilgen.
«Jalǵyz baspana taqyryby biraz talqylandy. Bul áleýmettik bastama boıynsha ekonomıkalyq negizdemeni kórsetý kerek. ıAǵnı qarjy sektoryna, ekinshi deńgeıli bankter úshin bolatyn saldardy aıqyndaý qajet. Atap aıtqanda, boryshkerlerdiń qaryzyn kredıtorlar esebinen shyǵynǵa shyǵarý usynylsa, onda osy baǵytta bolatyn saldardyń anyqtyǵy kerek», - dedi depýtat.
Onyń sózine qaraǵanda, jalǵyz baspana boıynsha sheshim aıasynda ekinshi deńgeıli bankter ıpotekalyq zaımdardy berýdi toqtatýy yqtımal. Sonyń ishinde baspanany kepilge qoıý tetigi arqyly shaǵyn jáne orta bıznes sýbektilerine zaımdar berýdi doǵarýy múmkin. Bul óz kezeginde ShOB-ty nesıeleýdiń toqtaýyna alyp keledi degen boljam bar.
«Sákesinshe, ıaǵnı ekinshi deńgeıli bankterdiń jáne Turǵyn úı qurylys jınaq bankiniń ıpotekalyq baǵdarlamalaryna nuqsan kelýi múmkin. Sonymen qatar nesıelerdiń qaıtarylmaýy táýekelderine baılanysty jarııalanǵan «7-20-25» baǵdarlamasyn tejeýi yqtımal. Qazirgi kezde ıpoteka naryǵy turaqty ósimdi baıqatyp otyr. Osy arqyly, ózderiniń baspana jaǵdaıyn jaqsartý úshin baǵdarlamaǵa áleýetti qatysýshylar bolyp sanalatyn azamattardyń basym bóligine jol jabylady», - dep oıymen bólisti depýtat.
Jamalovtyń aıtýynsha, 2018 jyldyń basyndaǵy jaǵdaı boıynsha ıpotekalyq zaımdardyń portfeli 1,1 trln teńgeni qurady.
«QR Úkimeti men bıznes usynyp otyrǵan yntalandyrýdyń arqasynda bul kórsetkish arta túsýi múmkindigi boljanady. Jańa qurylystardyń aınalasynda jańa jumys oryndary qurylady. Alaıda jalǵyz baspana boıynsha zań jobasynyń normasy tejeýish áserdi kórsetedi», - dep qosty ol.
Bul rette Qazaqstannyń qurylys sektory daǵdarysqa tap bolýy múmkin ekenine toqtalǵan ol, «Salynǵan nysandardy satý múmkindiginiń bolmaýy jańa qurylystardy toqtatýy yqtımal. Qurylys kompanııalary jumys oryndaryn qysqartýǵa májbúr bolady», - dedi.
Óz kezeginde QR Qarjy mınıstrligi janyndaǵy Qoǵamdyq keńesiniń tóraǵasy Borıs Parsegov jalǵyz baspana problemasy qaıta-qaıta kóteriletinin sóz etti.
«Bizde Konstıtýtsııada turǵyn úıge degen quqyq jazylǵan. Jalǵyz baspanany kepilge alyp, nesıeleýdiń qajeti joq. Ásirese, qaryz alýshynyń otbasynda kámeletke tolmaǵan balalary bolsa, olardy jalǵyz páterinen shyǵarýǵa bolmaıtynyn bank túsinýi kerek», - dedi B. Parsegov.
