Jalǵas Jumaǵulovtyń jekpe-jeginiń merzimi men ótetin orny belgili boldy
NUR-SULTAN. QazAqparat - Jalǵas Jumaǵulov (12-3) Fight Nights Global ataǵyn Alı Bagaýtdınovke (19-6) qarsy jekpe-jekte qorǵaıdy, dep habarlaıdy QazAqparat Sports.kz saıtyna silteme jasap.
Jekpe-jek Fight Nights Global týrnırinde 19 qazanda Sochıde (Reseı) ótedi.
Jalǵas Jumaǵulov jeńil salmaqtaǵy Fight Nights Global ataǵyn 2018 jyly Tagır Ýlanbekovpen bolǵan kezdesýde jeńip aldy. Alaıda, sýdıalardyń sheshimi ol kezde úlken daý týdyrdy. Ol kezdesý Qazaqstan astanasynda ótken bolatyn.
Aıta keteıik, jeńil salmaqta Jalǵas Jumaǵulovqa tıesili Fight Nights Global beldigine talasatyn reseılik sportshy Bagaýtdınov tıtýldy jekpe-jek ótkizý úshin Qazaqstanǵa kelýden bas tartty, ol qazaqstandyq sýdıalardy ádil sheshim shyǵarmaıdy dep esepteıdi.
