Jalǵas Jumaǵulovtyń UFC týrnırindegi kelesi qarsylasy belgili boldy
NUR-SULTAN. QazAqparat - UFC alańynda synǵa túsip júrgen qazaqstandyq aralas jekpe-jek sheberi Jalǵasy Jumaǵulovtyń kelesi qarsylasy belgili boldy, dep habarlaıdy QazAqparat Sports.kz resýrsyna silteme jasap.
Ol - Shvetsııanyń ókili Amır Albazı. Ekeýiniń aıqasy 28 qarashada Amerıkanyń Nevada shtaty Las Vegas qalasyndaǵy UFC APEX kesheninde UFC týrnıri aıasynda ótedi.
Buǵan deıin Albazı bul jekpe-jek jaıly óziniń Instagram paraqshasynda habarlaǵan edi.
Aıta keteıik, negizi shved sportshysy brazılııalyq Raýlıan Paıvamen aıqasady dep aıtylǵan bolatyn. Alaıda Paıva jaraqat alýyna baılanysty týrnırge qatyspaıtyn boldy.
Esterińizde bolsa, Jalǵas Jumaǵulov óziniń UFC-degi debıýt jekpe-jeginde dál osy Raýlıan Paıvadan jeńilip qalǵan bolatyn. Onyń qarsylasy UFC-de buǵan deıin úsh kezdesý ótkizip úlgergen.
Eń jeńil salmaqtaǵy jekpe-jek úsh raýndqa eseptelgen. Tóreshilerdiń sheshimimen Jalǵas Jumaǵulov utyldy. Bul - onyń tórtinshi jeńilisi.
