Jalǵas Jumaǵulovtyń UFC-degi jańa qarsylasy belgili boldy
ASTANA. QazAqparat – Qazaqstandyq jekpe-jek sheberi Jalǵas Jumaǵulovtyń (14-8) kelesi qarsylasy amerıkalyq Djoshýa Van (7-1) bolady. Olar 25 maýsymda AQSh-tyń Djeksonvıll qalasynda ótetin UFC on ABC 5 týrnırinde kezdesedi, dep habarlaıdy QazAqparat Sports.kz-ke silteme jasap.
«Qoryqpaıtyn» degen laqap atpen óner kórsetetin 21 jastaǵy amerıkalyq faıter kásipqoı MMA-da 2021 jyldyń qazanynan óner kórsetedi. Sodan beri ol segiz aıqas ótkizip, jeteýinde jeńiske jetken, bireýinde jeńilgen. Bir qyzyǵy, Van jekpe-jeginiń bárin Fury FC promoýshnynda ótkizip, eń jeńil salmaqta lıga chempıony atandy.
Djoshýa Van qatysqan kásipqoı jekpe-jektiń bári merziminen buryn aıaqtalǵan, tipti úshinshi raýndqa da jetpegen. Amerıkalyq faıter bes aıqasyn nokaýtpen, ekeýin sabmıshnmen aıaqtaǵan. Van keıingi bes jekpe-jeginde jeńilmeı keledi. Keıingi aıqasyn jeltoqsanda ótkizdi: óziniń otandasy Klıvlend Maklın (17-10) ekinshi raýndta sabmıshn jasady.
