Jalǵas Jumaǵulov UFC-te ótken alǵashqy jekpe-jeginde jeńildi
ÁBÝ-DABI. QazAqparat - Ábý-Dabıde (BAÁ) UFC 251 týrnıri ótip jatyr. Onda qazaqstandyq faıter Jalgas Jumaǵulov (13-3) baq synady, dep habarlaıdy QazAqparat Sports.kz-ke silteme jasap.
Jalǵasqa qarsy brazılııalyq Raýlıan Paıva (19-3) shyqty. Bul Jalǵastyń iri promoýshndegi debıýt aıqasy. Onyń qarsylasy UFC-te buǵan deıin úsh jekpe-jek ótkizip úlgergen. Eń jeńil salmaqtaǵy jekpe-jek úsh raýndqa eseptelgen. Tóreshilerdiń sheshimimen Jalǵas Jumaǵulov utyldy.
Osylaısha, Jalǵas Jumaǵulov UFC týrnırin sátsiz bastady, kásibı karerasynda tórtinshi ret jeńildi.
Raýlıan Paıva jıyrmasynshy ret jeńiske jetti, onyń UFC-taǵy deńgeıi— 2-2.
Foto: sport.inform.kz
