Jalǵas Jumaǵulov UFC-men jasalǵan kelisimshart aıasyndaǵy sońǵy kezdesýinde jeńilip qaldy
ASTANA. QazAqparat - Qazaqstandyq jekpe-jek sheberi (14-8) Jalǵas Jumaǵulov aralas jekpe-jekten UFC on ABC 5 týrnırinde (AQSh, Florıda shtaty) qarsylasyna ese jiberdi, dep habarlaıdy QazAqparat Sports.kz saıtyna silteme jasap.
Jalǵas Jumaǵulov amerıkalyq Djoshýa Vanmen (7-1) kezdesý ótkizdi. Eń jeńil salmaqtaǵy bul kezdesý úsh raýndqa eseptelgen bolatyn jáne ol sýdıalardyń sheshimimen Djoshýa Vannyń paıdasyna sheshildi.
Osylaısha, Djoshýa Van kásibı karerasynda 8-shi jeńisine qol jetkizdi. Al Jalǵas Jumaǵulov 9-shy ret jeńiliske ushyrady.
Jalǵas úshin bul UFC-degi 6-shy jeńilis.
Jalǵas 2020 jyldyń shildesinde UFC-ge kirgen erler arasyndaǵy eń birinshi qazaqstandyq jekpe-jek sheberi bolatyn. Onyń MMA-degi rekordy 14-9. Alǵashynda Jumaǵulov sáýir aıynda kezdesý ótkizýi kerek edi. Alaıda onyń jekpe-jekteri mamyr men shildege shegerildi jáne ol qarsylas tarapynyń tańdaýy edi. Amerıkalyq Neıt Meness jaraqat alsa, brazılııalyq Rafael Estevamnyń salmaǵy sáıkes kelmedi. Al Felıpe Býnestiń aǵzasynan dopıng anyqtaldy.
