Jalǵas Jumaǵulov UFC-degi janjaldan keıin mansabyn aıaqtaǵanyn jarııalady
ASTANA. QazAqparat – MMA sheberi Jalǵas Jumaǵulov (14-8) tóreshilerdiń kezekti daýly sheshimine jaýap berip, vıdeo jazdy, dep habarlaıdy QazAqparat Sports.kz saıtyna silteme jasap.
«Jekpe-jekti bárińiz kórdińizder, ne aıtaıyn? Aıtatyn eshteńe joq. Bul meniń sońǵy jekpe-jegim. Maǵan jankúıer bolǵandaryńyz úshin rahmet. Endi aıqasqym kelmeıdi. Neshinshi ret aıqastym – tóreshiler maǵan bermeıdi. Barymdy salyp eńbektenip jatyrmyn – nátıje osyndaı. Men muny emotsııaǵa salynyp aıtyp turǵanym joq. Maǵan jankúıerlik etkenderińizge rahmet», - dedi Jumaǵulov.
Eske salaıyq, Jalǵas Jumaǵulov amerıkalyq sportshy Charlz Djonsonmen (12-3) jekpe-jek ótkizip, tóreshilerdiń ártúrli sheshimimen jeńilip qaldy. MMA-daǵy kóptegen ekspert tóreshiler qazaqstandyq sportshyǵa kezekti ret ádiletsizdik tanytqanyna senimdi.
Vıdeodan alynǵan kadr instagram.com/kzsports
