Jalǵas Jumaǵulov UFC-degi kelesi jekpe-jeginiń datasyn jarııalady
ASTANA. QazAqparat –Aralas jekpe-jek sheberi, qazaqstandyq Jalǵas Jumaǵulov kelesi aıqasy qashan ótetinin aıtty, dep habarlaıdy QazAqparat.
«6 mamyrǵa áreket etip jatyrmyz, Inshallah», - dep jazdy Jumaǵulov Instagram-da. Ol sondaı-aq kelesi jekpe-jeginiń posterin jarııalady. Onyń qarsylasy - brazılııalyq sportshy Rafael Estevam. Ol 11 aıqas ótkizip, birde-bireýinde jeńilip kórmegen.
Kezdesý 6 mamyrda Nıýarkadaǵy (Nıý-Djersı) UFC 288 týrnırinde ótedi.
Áýelde qazaqstandyqtyń qarsylasy amerıkalyq sportshy Natan Maness (14-3) bolýy kerek edi, biraq ol jaraqatyna baılanysty jekpe-jekten bas tartty.
