Jalǵas Jumaǵulov UFC-degi birinshi jeńisi úshin qansha aqsha aldy
NUR-SULTAN. QazAqparat – Sheteldik BAQ qazaqstandyq boksshy Jalǵas Jumaǵulovtyń (14-5) UFC-degi úshinshi aıqasy úshin alǵan gonoraryn anyqtady, dep habarlaıdy QazAqparat Sports.kz saıtyna silteme jasap.
Jumaǵulov birinshi raýndta amerıkalyq Djerom Rıverany (10-6) sabmıshnmen tize búktirip, osy aıqasy úshin 24 000 dollar (oktagonǵa shyqqany úshin 10 000 dollar, jeńisi úshin 10 000 dollar jáne yntalandyrý bonýsy retinde 4 000 dollar) aldy.
Eske sala keteıik, Jalǵas Jumaǵulov úshin bul – UFC-degi alǵashqy jeńis. Buǵan deıin qazaqstandyq qatarynan eki ret jeńilgen: tóreshilerdiń biraýyz sheshimimen bir jyl buryn brazılııalyq Raýlın Paıvadan (20-3), osy jyldyń qańtarynda dál sondaı sheshimmen shved Amır Albazıden (14-1) jeńilis tapty.
