Jalǵas Jumaǵulov UFC-degi altynshy jekpe-jeginiń aldynda salmaq ólshedi
ASTANA. QazAqparat – Tanymal aralas jekpe-jek sheberi Jalǵas Jumaǵulov (14-7) UFC-degi altynshy aıqasynyń aldynda salmaq ólshedi, dep habarlaıdy QazAqparat Sports.kz resýrsyna silteme jasap.
20 qarashaǵa qaraǵan túni Jumaǵulov Las Vegastaǵy (AQSh) UFC Vegas 65 týrnıri aıasynda amerıkalyq Charlz Djonsonmen (11-3) oktagonǵa shyǵady.
Shara qarsańynda qazaqstandyq sportshy resmı salmaq ólsheý rásiminen ótti. Jalǵastyń salmaǵy - 57,15 kılogramm boldy.
Aıqasty UFC-diń resmı saıtynan kórýge bolady. Jekpe-jek Astana ýaqyty boıynsha shamamen 02:00-de bastalady.
Jalǵas Jumaǵulov búgingi kúnge deıin UFC-de bes jekpe-jek ótkizdi. Onyń bireýinde jeńiske jetse, qalǵan tórteýinde jeńilip qaldy.
34 jastaǵy qazaqstandyq sportshy buǵan deıin rıngke maýsym aıynda shyqty, tóreshilerdiń sheshimimen ol amerıkalyq Djeff Molınadan jeńildi.
UFC Jalǵas Jumaǵulovtyń kelesi aıqasynyń datasyn jarııalaǵanyn habarlaǵan bolatynbyz.
