Jalǵas Jumaǵulov UFC-degi altynshy jekpe-jegin ótkizedi
ASTANA. QazAqparat – Qarashanyń 19-ynan 20-syna qaraǵan túni qazaqtsandyq Jalǵas Jumaǵulovtyń (14-7) UFC-degi altynshy jekpe-jegi ótedi, dep habarlaıdy QazAqparat Sports.kz saıtyna silteme jasap.
Ol Las-Vegasta (AQSh) UFC Fight Night 215 týrnırinde óner kórsetedi. Onda Jumaǵulov amerıkalyq faıter Charlz Djonsonmen (11-3) judyryqtasady. Aıqasty UFC-diń resmı saıtynan kórýge bolady. Jekpe-jek Astana ýaqyty boıynsha shamamen 02:00-de bastalady.
Qazirgi ýaqytta Jalǵas Jumaǵulov UFC-de bes jekpe-jek ótkizdi. Olardyń bireýinde jeńiske jetse, qalǵan tórteýinde jeńilip qaldy. 34 jastaǵy qazaqstandyq sportshy buǵan deıin rıngke maýsym aıynda shyqty, tóreshilerdiń sheshimimen ol amerıkalyq Djeff Molınadan jeńildi.
UFC Jalǵas Jumaǵulovtyń kelesi aıqasynyń datasyn jarııalaǵany týraly habarlaǵan bolatynbyz.
Foto: sports.kz
