Jalǵas Jumaǵulov UFC-degi alǵashqy jeńisine qol jetkizdi
NUR-SULTAN. QazAqparat – Qazaqstandyq faıter Jalǵas Jumaǵulov (13-5) UFC-degi alǵashqy jeńisine qol jetkizdi, dep habarlaıdy QazAqparat Sports.kz saıtyna silteme jasap.
Ol Las-Vegasta (Nevada shtaty, AQSh) ótken UFC 264 týrnırinde amerıkalyq Djerom Rıveramen (10-5) aıqasty. Eń jeńil salmaqtaǵy jekpe-jek úsh raýndqa josparlanǵan edi, alaıda Jumaǵulov birinshi raýndta qarsylasyn tize búktirdi.
Osylaısha, Jalǵas Jumaǵulov úshin bul jeńis kásibı mansabyndaǵy on tórtinshi jáne UFC-degi birinshi jeńisi bolyp otyr. Promoýshndegi aldyńǵy eki oıynda tóreshilerdiń biraýyz sheshimimen brazılııalyq Raýlıan Paıvadan (20-3) jáne shved Amır Albazıden (14-1) jeńilip qaldy.
Djerom Rıveraǵa keletin bolsaq, ol mansabynda altynshy ret jáne UFC-de úshinshi ret jeńilip otyr – ol promoýshndegi úsh aıqasta da jeńilis tapty.
