Jalǵas Jumaǵulov UFC-de ótkizgen ekinshi jekpe-jeginde jeńilip qaldy
NUR-SULTAN. QazAqparat – Qazaqstandyq erejesiz jekpe-jek sheberi Jalǵas Jumaǵulov (13-4) UFC-de ekinshi jekpe-jegin ótkizdi, dep habarlaıdy QazAqparat Sports.kz saıtyna silteme jasap.
Ol Abý-Dabıde (BAÁ) ótken UFC 257 týrnırinde judyryqtasty. «Jaýyngerler aralynda» qazaqstandyq sportshy shved Amır Albazıge qarsy shyqty (13-1). Eń jeńil salmaqtaǵy kezdesý úsh raýndqa sozyldy jáne tóreshilerdiń biraýyzdan qabyldaǵan sheshimimen Albazıdiń jeńisimen aıaqtaldy.
Osylaısha, Amır Albazı óz karerasyndaǵy 14-shi, UFC-degi ekinshi jeńisine qol jetkizdi. Jalǵas Jumaǵulov bolsa, 5-shi ret jeńilis tapty.
Aıta keteıik, 32 jastaǵy jekpe-jek sheberi UFC-ge alǵash ret ótken jyldyń maýsym aıynda shyqty. Ol tóreshilerdiń sheshimimen brazılııalyq Raýlıan Paıvege (20-3) jeńildi, alaıda bul sheshim kópshilik arasynda daý týdyrdy.
