Jalǵas Jumaǵulov Chehııada chempıondyq ataqqa talasady

ASTANA. KAZINFORM — 28 jeltoqsanda qazaqstandyq Jalǵas Jumaǵulov (18-9) Oktagon lıgasynda tıtýldy aıqastarynyń birin ótkizedi. Ony «eýropalyq UFC» dep te ataıdy. 

Praga qalasynda ótetin Oktagon 81 týrnırinde otandasymyz chehııalyq faıter Davıd Dvorjakpen sheberlik baıqasady. Bul jekpe-jekte sportshylar jeńil salmaqtaǵy lıga chempıony ataǵyn sarapqa salady.

Jekpe-jektiń tikeleı kórsetilimi Qazaqstan ýaqytymen saǵat 02:00–de bastalady jáne ony promoýshnnyń resmı saıtynan kórýge bolady.

Eske salsaq, Jalǵas Jumaǵulov maýsym aıynda Oktagon lıgasynyń chempıony boldy. Otandasymyz tóreshilerdiń sheshimimen grýzııalyq Beno Adamıany (12-9-2) tize búktirdi.

Qazirgi kezde Jalǵas Jumaǵulov tórt serııaly jeńisimen úzdikterdiń qataryna engen. Aldaǵy qarsylasyna keletin bolsaq, Devıd Dvorjak qyrkúıektegi jekpe-jeginde Iraktan kelgen sportshy Mohammed Valıdti (8-5) birinshi raýndta nokaýtqa túsirdi. 

Aıta ketsek, Jalǵas Jumaǵulov byltyr maýsym aıynda AQSh-tyń Vellıngton qalasynda ótken NAGA (Soltústik Amerıka grepplıng assotsıatsııasy) grepplıng týrnırinde jeńimpaz atandy.