Jalǵas Jumaǵulov AQSh-ta grepplıng týrnırinde jeńimpaz atandy

ASTANA. KAZINFORM — Qazaqstandyq Jalǵas Jumaǵulov AQSh-tyń Vellıngton qalasynda ótken NAGA (Soltústik Amerıka grepplıng assotsıatsııasy) grepplıng týrnırinde jeńimpaz atandy.

Fınaldyq jekpe-jekte American Top Team komandasynyń namysyn qorǵaǵan J.Jumaǵulov amerıkandyq Reımond Peıdjden basym tústi. Osylaısha qazaqstandyq sportshy NAGA chepıondyq belbeýine ıe boldy.

Jalǵas Jumaǵulov (16-9) aralas jekpe-jekten sońǵy saıysyn aqpan aıynda Naiza FC 57 týrnırinde ótkizdi. Bul jarysta tóreshilerdiń biraýyzdan şeshimimen amerıkandyq faıter Klıvlend Maklındi (17-12) tize búktirdi.

Eske salsaq, jastar arasyndaǵy Azııa chempıonatynda qazaqstandyq erkin kúres sheberleri úzdik atandy.