Jalǵas Jumaǵulov 37 jasynda jańa chempıondyq ataqqa umtylmaq

ASTANA.KAZINFORM - Qazaqstandyq aralas jekpe-jek sheberi adamnyń jasy jańa jetistikke jetýge kedergi keltirmeıtinin taǵy da dáleldedi, dep habarlaıdy Kazinform agenttigi.

Ótken demalys kúnderi Jumaǵulov Chehııanyń Oktagon chempıondyq ataǵyn sátti qorǵady. Onyń qarsylasy ózi sııaqty buryn UFC-de baq synaǵan Davıd Dvorak boldy.

Davıdti nokaýtqa túsirgennen keıin Jalǵas 37 jasynda mansabyn aıaqtaý nıeti joq ekenin jáne jańa jeńisterge jetip, rekord ornatqysy keletinin málimdedi.

Jumaǵulov salmaq dárejesin kóterý arqyly ekinshi ret Oktagon chempıony bolýdy kózdeıtinin aıtty.

- Men árqashan elim úshin kúresemin. Bárine qazaqtyń kim ekenin tanytqym keledi. Men 37 jasta bolsam da, biz, qazaqtar, 35 jastan keıin ashylatynymyzdy birneshe ret aıttym. Jáne búgin men sony dáleldedim, men endi ǵana bastadym. Men salmaq dárejesin kóterip, taǵy da Oktagon chempıony bolǵym keledi, - dedi Jumaǵulov.

Dvorakpen jekpe-jek taktıkasy týraly aıta otyryp, Jumaǵulov bapkeri Artem Levınniń jumysyn joǵary baǵalady.

- Biz aldymen qarsylas sharshasyn, dep josparladyq, men azdap serpin alyp sodan keıin birinshi raýndtyń ekinshi mınýtynan bastap ózimdi qolǵa aldym, - dedi Jalǵas Jumaǵulov.

Biz buǵan deıin Jalǵas Jumaǵulov Chehııada chempıondyq ataqqa talasatynyn habarlaǵanbyz.