Jalǵas Týkeshov Boks federatsııasynyń birinshi vıtse-prezıdenti bolyp taǵaıyndaldy

ASTANA. KAZINFORM – Qazaqstan boks federatsııasy prezıdentiniń jarlyǵymen Týkeshov Jalǵas Bókenbaıuly respýblıkalyq federatsııanyń birinshi vıtse-prezıdenti qyzmetine taǵaıyndaldy.

«Jalǵas Týkeshov boks jankúıerlerine tanymal maman, kóp jyl boıy kásibı boks keshterin uıymdastyrýymen aınalysyp, promoýterlik qyzmet atqarǵan. Bokstan ulttyq qurama sapynda óner kórsetken. Qazaqstan Respýblıkasynyń sport sheberi», - delingen federatsııanyń baspasóz qyzmeti taratqan aqparatta.

Ótken aıda Qazaqstan boks federatsııasy prezıdenti tizginin Shahmurat Mútálip ustaǵan edi. Buǵan deıin federatsııany Keńes Raqyshov basqardy.

Sondaı-aq, bokstan Sıdneı Olımpıadasynyń kúmis medal ıegeri Muhtarhan Dildábekov Qazaqstan boks federatsııasynyń vıtse-prezıdenti laýazymyna taǵaıyndaldy.