Jalǵandyq shkalasy attestatsııadan ótetin memqyzmetshiniń jaýaptarynan anyqtalady
ASTANA. QazAqparat - «B» korpýsynyń memlekettik qyzmetshileri attestatsııadan ótý barysynda jalǵan sóıleý tekserýinen ótedi, dep habarlaıdy QazAqparat.
Bul jaıynda Qaraǵandydaǵy kezdesý barysynda Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaımova aıtty.
«Siz jaýaptyń (testileýde) óz nusqańyzdy tańdaısyz. Bul rette mynany naqty túsiný qajet: test sizdiń jeke qasıetińizdi anyqtaıdy, bir suraq túrli túsinikte qaıtalanýy múmkin. Máselen, bir jaǵdaıda siz «kelisemin», al ekinshisinde «tolyqtaı kelisemin» dep jaýap beresiz. Sońynda jalǵandyq shkalasy degen bolady. ıAǵnı, sizdiń bir suraqqa qanshalyqty shynaıy nemese jalǵan jaýap bergenińiz anyqtalady», - dep eskertti ol.
Ol testileýde kelýi múmkin suraqtardyń birin mysalǵa keltirdi. Suraq bylaı qoıylýy múmkin: «Siz ózińizdiń bólimsheńizge shaǵym jıilep ketken ýaqytta qalaı áreket jasaısyz?».
«Qorytyndy sizdiń jaýaptaryńyzdyń jıyntyǵy negizinde beriledi. Qyzmetkerdiń álsiz jáne kúshti qyry anyqtalady. Eger, siz shynaıy jaýap bermeseńiz, onda qorytyndyda testileý barysynda sizdiń ózińizdi asyra maqtaǵandyǵyńyz jáne soǵan saı kórsetkishińizdi kóterýge tyrysqandyǵyńyz jazylady», - dedi Shaımova.
Aıta keteıik, buǵan deıin habarlaǵanymyzdaı, Aıgúl Shaımova Qaraǵandy oblysy ákimdiginde «B» korpýsyndaǵy memlekettik qyzmetshilerdiń aldaǵy attestatsııasy boıynsha kezdesý ótkizdi.
Qaraǵandy oblysynda 2 aqpan kúni orta toptaǵy memqyzmetshilerdi testileý bastalady. Kezdesýde atalyp ótilgendeı, óńirde 5000-nan astam memqyzmetshi attestatsııadan ótedi. Kórsetilgen sanattar boıynsha, 1157 adam (memlekettik qyzmet apparatynyń jalpy 23,6%-y) testileýden bosatylady.
