Jalǵan jer telimin satyp, 8 mln teńge ıemdengen shymkenttik alaıaq ustaldy

ShYMKENT. QazAqparat - Turǵynǵa jalǵan jer telimin satyp, segiz mıllıon teńgesin ıemdengen shymkenttik alaıaq ustaldy, dep habarlaıdy QazAqparat Polisia.kz saıtyna silteme jasap.

2021 jyldyń 1 shildesinde Qarataý APB-nyń «102» nómirine Shymkent qalasynyń turǵyny aryzdanǵan. Ol beıtanys adam senimine kirip, óziniń jer telimi bar ekendigin jáne ony satatyndyǵy týraly aıtyp, segiz mıllıon teńgesin ıemdenip ketken. Sodan qazirgi ýaqytqa deıin ne jer telimin bermeı, ne aqshasyn qaıtarmaı júrgen.

Qarataý APB KPB qyzmetkerleriniń jedel-izdestirý is-sharalaryn júrgizý barysynda jergilikti jerdiń turǵyny anyqtalyp, polıtsııaǵa jetkizildi. Ustalǵan er adamnyń basqa da qylmystarǵa qatystylyǵy anyqtalýda. Tekserý amaldary júrgizilýde.