Jalǵan jáne jasyryn kólik nómirleri: Pavlodar oblysynda 44 buzýshylyq anyqtaldy
PAVLODAR. QazAqparat – Solardyń biri 27 jastaǵy oblys ortalyǵynyń turǵyny bolyp shyqty, dep habarlaıdy QazAqparat tilshisi.
«2019 jyly pavlodarlyq polıtseıler jalǵan nemese jasyryn memlekettik tirkeý nómiri bar kólikterdi, nómirlerin jasyrýǵa nemese ózgertýge múmkindik beretin qurylǵylar men materıaldarmen jabdyqtalǵan kólik quraldaryn tizgindegen 44 júrgizýshini anyqtady», - dep habarlady Pavlodar oblystyq polıtsııa departamentiniń baspasóz qyzmeti.
2020 jyldyń basynan beri mundaı úsh fakti tirkeldi.
«Pavlodar qalasynda 14 qańtarda Krıvenko kóshesi, 85 mekenjaıynda polıtsııa qyzmetkerleri 27 jastaǵy Pavlodar turǵyny tizgindegen Toyota Highlander markaly kólikti ustaǵan. Bul kóliktiń memlekettik tirkeý nómirinde áripteri men sandaryn jasyrýǵa múmkindik beretin elementter ornatylǵan», - dep mysal keltirdi tártip saqshylary.
Júrgizýshige qatysty «Kólik quralynyń sáıkestendirý nómirin qoldan jasaý, joıý, kórineý qoldan jasalǵan sáıkestendirý nómiri bar kólik quralyn ótkizý» baby boıynsha ákimshilik hattama toltyryldy.
Іs materıaly ákimshilik sotqa jiberildi. Bul bap boıynsha 20 AEK (53 020 teńge) kóleminde aıyppul salynady nemese bir jylǵa júrgizýshi quqyǵynan aıyrylady.
«Tártip saqshylary memlekettik nómir belgisin tárkiledi. Avtokólik arnaıy aıyppul turaǵyna qoıyldy», - dedi baspasóz qyzmetinen.
Avtor: Anton Gagarın
