Jalǵan veterınarlyq qujat jasaǵandarǵa qylmystyq jaýapkershilik engizilmek
ASTANA. KAZINFORM — Aýyl sharýashylyǵy vıtse-mınıstri Amanǵalı Berdalın jalǵan veterınarlyq qujat jasaǵandarǵa qylmystyq jaýapkershilik engizý usynylǵanyn aıtty.
— Veterınarııaǵa qatysty zań jobasyn daıarlap jatyrmyz jáne bul qujat keler jyly Parlamentte talqylanady. Onyń aıasynda aıyppul sanktsııasy kúsheıtilmek. Bul saladaǵy zańsyz áreketter úshin qylmystyq jaýapkershilikti engizý de pysyqtalyp jatyr. Máselen, qoldanystaǵy zańnamaǵa sáıkes, veterınarlyq-sanıtarlyq saraptamadan ótpegen etti satýǵa tyıym salynǵan. Alaıda, adamdar 3 AEK somasyndaǵy aıyppuldan qoryqpaıdy, ıaǵnı osydan basqa sanktsııa qarastyrylmaǵan. Sondyqtan jaýapkershilikti kúsheıtý kerek, sebebi osy másele halyqtyń azyq-túlik qaýipsizdigine qatysty, — dedi A. Berdalın Senatta veterınarııalyq qyzmet taqyrybyn talqylaýǵa arnalǵan Úkimet saǵatynan keıin tilshiler suraǵyna jaýap bere otyryp.
Bul turǵyda ol jaqynda eldegi bazarlardyń birinde mal etine qoldan jasalǵan mórdi basý deregi anyqtalǵanyn aıtty.
Budan buryn habarlanǵandaı, vıtse-mınıstr «veterınarııa» mamandyǵyndaǵy stýdentterdiń stıpendııasy kóterý taqyryby pysyqtalyp jatqanyn aıtty.