Jalǵan vaktsına pasporty men PTR anyqtamasy úshin 86 is qozǵaldy – QR ІІM
Onyń aıtýynsha, ınternet-resýrstardy monıtorıngileý boıynsha jumystar júrgizilýde. ІІM jáne onyń aýmaqtyq bólimshelerinde jalǵan qujattardy satý týraly habarlandyrýlardy anyqtaý boıynsha turaqty monıtorıng toptar jumys isteıdi.
«Máselen, áleýmettik jeliler men messendjerlerde jalǵan vaktsınalaý pasporttaryn nemese PTR anyqtamalardy satý týraly 62 habarlandyrý anyqtaldy. Ázirge olardyń 29-y buǵattalǵan. Sonymen birge jalǵan qujat satyp alýǵa tyrysyp, alaıaqtardyń qurbanyna aınalýǵa bolatynyn atap ótken jón», - deıdi A. Zapparov.
Polıtsııa qyzmetkerleri medıtsınalyq ortalyqtardy, emhanalardy, vaktsına alý pýnktterin tekserýdi jalǵastyrýda.
«Jyl basynan beri polıtsııa organdary 86 qylmystyq is qozǵady, onyń 39-y vaktsınalaý pasportyn jáne 47-si PTR-anyqtamany qoldan jasaǵany úshin jaýapqa tartyldy. Qylmystyq kodekstiń 385-baby – jalǵan qujattardy, mórtabandardy, mórlerdi, blankilerdi jáne t.b. qoldan jasaý, daıyndaý nemese ótkizý boıynsha 4 jylǵa deıin bas bostandyǵynan aıyrý, al ony paıdalanǵany úshin 40 táýlikke deıin qamaýǵa alý qarastyrylǵan. Osyǵan baılanysty ІІM saqtyq sharalaryn ustanyp, zań buzýshylyqqa jol bermeýge shaqyrady», - deıdi Arystanǵanı Zapparov.