Jalǵan terrorızm úshin qostanaılyq jazasyn kolonııada 1,5 jyl óteıtin boldy
QOSTANAI. QazAqparat - Qostanaı turǵyny Nurlan Qojahmetov terrorızm aktisi týraly jalǵan habarlama úshin 1,5 jylǵa bas bostandyǵynan aıyrylyp, jalpy rejimdegi túzeý kolonııasyna jiberildi, dep habarlaıdy «QazAqparat» HAA tilshisi.
Aıyptaý úkimi búgin Qostanaı qalasy №2 sotynda oqyldy. Іs materıaldary boıynsha Qojahmetov 18 shildede qostanaılyq Bıznes-ortalyq ǵımaratyndaǵy Sberbank fılıalynyń qurylymdyq bólimshesiniń úı-jaıynda júrip, kúzetshige kelip jarylǵysh qurylǵy qoıylǵandyǵy týraly habarlaǵan. Bombany izdegenmen, eshteńe tabylmady. Jalǵan terrorıst ustaldy. Buǵan qosa sot prokýrordyń sottalýshydan 34 myń teńge mólsherinde keltirilgen zalaldy memleket kirisine óndirip alý týraly azamattyq talap aryzyn qanaǵattandyrdy. Bostandyǵynan aıyrý oryndarynda Qojahmetovke psıhıatr-dárigerdiń baqylaýy taǵaıyndaldy.
