Jalǵan tehbaıqaý ótkizgen ortalyqtar 3 jyl jumys isteı almaıdy — mınıstr
ASTANA. KAZINFORM — Qazaqstanda tehnıkalyq baıqaý ortalyqtaryna qoıylatyn talap kúsheıdi. Endi ortalyqtar arnaıy ruqsatsyz jumys isteı almaıdy, al kólikti tek qaǵaz júzinde teksergen uıymdardyń jumysy úsh jylǵa deıin toqtatylýy múmkin.
Kólik mınıstri Nurlan Saýranbaevtyń aıtýynsha, eldegi tehnıkalyq baıqaý ortalyqtarynyń jaýapkershiligi kúsheıdi. Endi olarǵa jumys bastaý úshin arnaıy ruqsat alý kerek.
— Tehnıkalyq baıqaýdy tek qaǵaz júzinde («jalǵan») jasaǵandardyń jumysy 3 jylǵa deıin toqtatylady. Al aıyppul 30-dan 100 AEK-ke (432 500 teńge — red.) deıin ósti. Osylaısha, qaýipsizdik talaptaryna saı kelmeıtin kólikterdi paıdalanýǵa jol berilmeıdi, — dedi mınıstr Úkimettiń búgingi otyrysynda.
Sonymen birge, elimizde jolaýshylar tasymaly da tártipke keltirilip jatyr.
— ІІM jáne ıAndeks, inDrive-pen birigip, róli oń jaqtaǵy 70 myńǵa jýyq kólik tasymaldaý protsesinen shyǵaryldy. Róli oń jaqtan solǵa aýystyrylǵan kólikterdi taksı retinde qoldanýǵa tyıym salynyp, tasymalǵa jaýapty agregatorlardyń jaýapkershiligi artady, — dedi Kólik mınıstri.
Buǵan deıin Kólik mınıstri eldegi jol apattarynyń basty sebebin ataǵan edi. Onyń málimetinshe, jol apattarynyń 35 paıyzy jyldamdyqty asyrýdan, 12 paıyzy araqashyqtyqty saqtamaýdan, 11 paıyzy kólikti basqara almaýdan jáne 8 paıyzy qarsy jolaqqa shyǵýdan bolady.
