Jalǵan shot-faktýralar jazyp, memleketke 1 mlrd teńge somada zııan keltirgen top sottaldy

ASTANA. QazAqparat - Qarjy monıtorıngi agenttiginiń elordalyq departamenti jumysty, qyzmet kórsetýdi jáne júkterdi jóneltýdi naqty oryndamaı, jalǵan shot-faktýralardy jazyp berý faktisi boıynsha bir top tulǵaǵa qatysty qylmystyq isti tergeýdi aıaqtady, dep habarlaıdy QazAqparat atalǵan vedomstvonyń baspasóz qyzmetine silteme jasap.

2021 jylǵy qyrkúıekten 2022 jylǵy naýryzǵa deıin bir top tulǵalar múliktik paıda alý maqsatynda naqty qyzmetter kórsetpeı, jumystardy oryndamaı jáne taýarlardy jóneltpesten, baqylaýdaǵy jeke kásipkerlik sýbektileriniń atynan shot-faktýralar berý boıynsha is-áreketterdi jasaýǵa járdemdesti.

Olar óz áreketterimen memleketke ótelmegen 1 mlrd teńgeden astam salyq somasynda asa iri kólemde zııan keltirgen.

Sot úkimimen uıymdasqan qylmystyq top músheleri kináli dep tanylyp, 3,5 jyldan 4,5 jylǵa deıin bas bostandyǵynan aıyryldy.