Jalǵan shot-faktýra berýmen aınalysqan uıymdasqan qylmystyq top ustaldy

NUR-SULTAN. QazAqparat - Qarjylyq monıtorıng agenttigi kóleńkeli ekonomıkamen kúres jumysy aıasynda 7 jalǵan kompanııanyń qylmystyq áreketin áshkereledi, dep habarlaıdy QazAqparat Qarjy monıtorıngi agenttiginiń baspasóz qyzmetine silteme jasap.

«Qarjylyq monıtorıng agenttiginiń Qaraǵandy ​​oblysy boıynsha aýmaqtyq departamenti kontragentter-satyp alýshylardy salyq tóleýden bosatý maqsatynda jumystardy is júzinde oryndamaı, taýarlardy jetkizbeı jalǵan shot-faktýralar jazyp berý boıynsha zańsyz árekettermen aınalysqan uıymdasqan qylmystyq toptyń áreketin áshkereledi.

2018-2021 jyldar aralyǵynda 7 jalǵan kompanııanyń qylmystyq áreketinen jalpy aınalym 2 mıllıard teńgeden asqany, sonyń saldarynan memlekettik bıýdjetke 300 mıllıon teńgeden astam salyq túspegeni anyqtaldy» delingen habarlamada.

Kúdikti úıqamaqqa alyndy.

Qylmystyq is aıaqtalyp, bekitilgen aıyptaý aktisimen sotqa joldandy.