Jalǵan sertıfıkat jasaǵan medıtsına stýdentterine qatysty mınıstr túsinik berdi
«Sertıfıkaty jalǵan dep tanylǵan stýdentter memlekettik granttarynan aıyrylyp, oqýdan shyǵaryldy. Biraq qaıtadan tapsyryp, aqyly túrde oqımyz dese oǵan tyıym salynbaıdy, oqýǵa bolady. Taǵy da qaıtalap aıtamyn, ol stýdentter memlekettik granttary men ekinshi ret grantqa ıe bolý quqyqtarynan da aıyryldy. Eger atalǵan stýdentter memlekettik grantpen oqýlaryn jalǵastyryp jatqan bolsa, biz qaıta qaraýǵa ázirmiz, biz júrgizgen tekserý jumystary boıynsha, maǵan jetken derek boıynsha olar búginde memlekettik grantta oqymaıdy», - dep jaýap berdi tilshilerdiń suraǵyna QR Densaýlyq saqtaý mınıstri E.Birtanov.
Aıta keteıik, ústimizdegi jyly kóktemde Astana medıtsınalyq ýnıversıtetinde stýdentterdiń aryz-shaǵymynan keıin aǵylshyn tiline arnalǵan ILTS-tiń júzdegen jalǵan sertıfıkaty anyqtalǵan bolatyn. Densaýlyq saqtaý mınıstrligi atalǵan joǵary oqý ornyna arnaıy tekserý júrgizip jalǵan sertıfıkaty dáleldengen stýdentterdi memlekettik granttarynan aıyryp, oqýdan shyǵardy. Degenmen keıinirek áleýmettik jelilerde atalǵan stýdentterdiń óz oqýlaryn grant negizinde jalǵastyryp jatyr degen aqparat taraǵan bolatyn.