Jalǵan páterlerdi jalǵa berip júrgen elordalyq jigit ustaldy

NUR-SULTAN. QazAqparat – Internet arqyly páter jalǵa beretini týraly jalǵan habarlandyrý jarııalap, turǵyndardyń sazǵa otyrǵyzyp kelgen elordalyq turǵyn ustaldy, dep habarlaıdy QazAqparat tilshisi.

Bul týraly Nur-Sultan qalasy polıtsııa departamentiniń baspasóz qyzmeti habarlady.

24 jastaǵy elordalyq jigit alaıaqtyq áreketterge bardy degen kúdikpen qamaýǵa alyndy. Ol OLX saıtynda jalǵa páter beretinin aıtyp, habarlandyrý ornatqan. Habarlandyrýdyń jalǵan ekenin bildirmeý úshin ózge habarlandyrýlardan sýret kóshirip salyp otyrǵan.

«24 tamyz kúni saǵat 15.00 shamasynda 2 bólmeli páterdi 7 myń teńgege táýlik boıy jalǵa beretini týraly habarlandyrý ornalastyrǵan. Habarlasqan klıentterdiń birimen júzbe-júz kesdesip, aqshasy men jeke kýáligin kepilge alady. Biraq klıent aqshany «eles páter» úshin tólegenin keıin bilgen», - dep jazady departamenttiń baspasóz qyzmeti.

Atalǵan fakti boıynsha qylmystyq is qozǵaldy. Kúdikti bul ádisti birneshe ret adam aldaý úshin paıdalanǵanyn moıyndady. Onyń bul áreketinen zardap shekken ózge de adamdar anyqtalyp jatyr.