Jalǵan pasport alǵan adamdar vaktsına saldyra alady

ALMATY. QazAqparat – Jalǵan pasport alǵan adamdar vaktsına saldyra alady. Bul týraly onlaın brıfıng barysynda Almaty qalasy Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.

«Biz raqymshylyq jasadyq. Jalǵan pasport satyp alyp, qatelik jibergenderdi jaýapqa tartpaımyz. Olar vaktsına pýnkterine baryp ekpe saldyra alady. Eń bastysy, olar qateleskenderin túsindi. Vaktsınatsııa barlyq adamdar úshin aqysyz. Bizdiń mindet - olardy jazalaý emes. Desek te vaktsınatsııa tólqujatyn satyp alǵandar sebebin túsindirýi kerek», - dedi Jandarbek Bekshın.

Almaty qalalyq qoǵamdyq densaýlyq saqtaý basqarmasy bastyǵynyń orynbasary Svetlana Sultanǵazıevanyń aıtýynsha, dárigerler halyqtyń vaktsına alǵanyn jón kóredi.

«Biz qansha azamat vaktsına tólqujatyn satyp alǵanyn bilmeımiz. Biz dárigerler halyq jappaı vaktsınatsııalanýy kerek dep esepteımiz. Sonymen qatar, raqymshylyq jasaý ıdeıasyn qoldaımyz. Koronvırýsty juqtyrǵan naýqasty emdegenen góri, vaktsına salyp aldyn alǵan jaqsy», - dedi dáriger.