Jalǵan memlekettik nómirdi qoldanǵan kókshetaýlyqtyń basy bálege qaldy
KÓKShETAÝ. QazAqparat - Jalǵan memlekettik nómirdi qoldanǵan kókshetaýlyq turǵyn ákimshilik jaýapkershilikke tartyldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha 2018 jyldyń 4 qańtarynda oblys ortalyǵyndaǵy kóshelerdiń biriniń qyılysynda ornatylǵan beınekameraǵa ózge kóliktiń memlekettik nómiri salynǵan «Toyota» avtokóligi túsip qalǵan. Keıin tekseris barysynda anyqtalǵandaı atalǵan nómir belgisi ózge «GAZ 310290» avtokóligine tıesili bolyp shyqty.
Qańtardyń 8-i kúni Kókshetaý qalalyq ІІB Jedel basqarý ortalyǵynyń ınspektorlary jol qozǵalysyn baqylaý kezinde Gorkıı kóshesiniń boıynda joǵaryda aıtylǵan memlekettik nómirdi taqqan «Porsche Cayenne» kóligin baıqap qalǵan. Osyǵan oraı, jol-patrýldik polıtsııa batalonynyń qyzmetkerleri atalǵan kólikti Áýezov jáne Kalının kósheleriniń qyılysynda toqtatyp tekseredi. Osy kezde, kólikti tizgindegen Kóshetaý qalasynyń 28 jastaǵy turǵynynyń qolynda kólik júrgizýshi kýáligimen birge ózge de tıisti qujattardyń bolmaǵany anyqtalady.
Qazirgi kezde, kólik aıyp alańyna qoıylyp, júrgizýshiniń ústinen QR ÁQbK 590-babynyń 3-bóligi, 590-babynyń 4-bóligi, 612-babynyń 3-bóligi boıynsha hattama toltyryldy. Іs materıaldary Kókshetaý qalalyq sotqa joldandy.
Jalpy, Kókshetaý qalasynda ornatylǵan ıntellektýaldy beınekameralar arqyly ótken jyldyń qorytyndysy boıynsha 3183 jol júrý erejesi buzylǵany anyqtaldy.
Onyń ishinde 1555 ret qyzyl syzyqtan, 793 baǵdarshamnyń qyzyl túsinen ótip ketý, 835 ret jyldamdyqty shamadan asyrý oqıǵasy tirkeldi. Kólik júrgizýshilerine 45 mıllıon teńgeden astam aıyppul salyndy.
