Jalǵan medıtsınalyq qujattar satqan 3 túrkistandyq azamat ustaldy
«Mınıstrliktiń Tergeý departamentine qarasty áskerı tergeý basqarmasy Túrkistan oblysynda jalǵan medıtsınalyq qujattar jasaǵan 3 azamatty ustady. Olardyń arasynda Saryaǵash aýdandyq aýrýhanasynyń medbıkesi de bar. Dáriger «COVID-19» indetiniń órship turǵanyna qaramastan Qazaqstan men Ózbekstannyń shekarasynan ótýshilerge jalǵan medıtsınalyq qujattar jasap, usynǵan. Anyqtalǵandaı ustalǵandar qazaqstandyq medıtsına mekemeleriniń atynan jalǵan túrde em alýǵa shaqyrtý qujatyn ázirlegen jáne ony 3-8 myń teńge aralyǵyndaǵy baǵaǵa satqan. Qoldan jasalǵan qujat medıtsınalyq mekemeniń shaqyrýymen kelemin degen jeleý arqyly Qazaqstannyń aýmaǵyna ótýge ruqsat úshin jasalǵan» ,- dedi QR Іshki ister mınıstrliginiń ókili Shuǵyla Berikqyzy QR ІІM-de onlaın ótken baspasóz máslıhatynda.
Onyń aıtýynsha, tergeý barysynda kúdiktilerden mór qoıylǵan 1266 medıtsınalyq blank tabyldy.
«Búginde QR QK-niń 385 babyna sáıkes, «jalǵan qujattar jasaý» degen aıyppen sot aldy tergeý sharalary júrip jatyr. Osy oraıda ІІM jalǵan qujat ázirlegeni úshin azamattar 4 jylǵa deıin bas bostandyǵynan aırylatynyn jáne ony paıdalanǵany úshin 40 kúnge deıin qamaýǵa alynatynyn eskertedi», - deıdi ol.
Buǵan deıin Almatyda ógeı qyzyn óltirdi degen kúdikpen 47 jasar er adamnyń ustalǵany týraly habarlaǵan bolatynbyz.