Jalǵan markamen alkogol ónimderin satqan BQO turǵyny sottaldy
BQO boıynsha ekonomıkalyq tergep-tekserý departamentiniń baspasóz qyzmetinen málim etkenindeı, Jańaqala aýdandyq sotynyń úkimimen Mahmýt Eshkaev QR QK 223-baby 2-bóligine (kórineý jalǵan esepke alý-baqylaý markalary bar alkogol ónimin ótkizý maqsatynda satyp alý) sáıkes aıypty dep tanyldy.
Anyqtalǵanyndaı, Jańaqala aýdany Jańaqala aýylynda ornalasqan dúken men saqtaý qoımalary bar jeke kásipker M.Eshkaev 2022-2023 jyldary kórineý jalǵan esepke alý-baqylaý markalary bar ártúrli ataýlardaǵy jáne óndiristegi jalpy sany 9846 bótelke alkogol ónimderin satyp alǵan.
«Sóıtip, kásipker esepke alý-baqylaý markasynsyz, sondaı-aq belgisiz bir úlgidegi jáne (nemese) sáıkestendirýge kelmeıtin markasy bar alkogol óniminiń aınalymyna tyıym salatyn»Etıl spırti men alkogol óniminiń óndirilýin men aınalymyn memlekettik retteý týraly«Zańnyń jáne QR Salyq kodeksiniń talaptaryn buzǵan. M.Eshkaev óziniń dúkeni arqyly osy zańsyz alkogol ónimin saqtaýdy jáne ótkizýdi uıymdastyrdy. Sot sottalýshymen kinásin moıyndaý týraly mámile jasalǵandyǵyn eskere otyryp, M.Eshkaevqa 500 AEK, ıaǵnı 1 mln 725 myń teńge kóleminde aıyppul túrinde jaza taǵaıyndady. Sondaı-aq sot úkimine sáıkes barlyq tárkilengen alkogol ónimi joıyldy», dep habarlady vedomstvodan.
Eske sala keteıik, budan buryn Oral turǵyny 59 mln teńgeniń temeki ónimderin zańsyz satýmen aınalysqanyn jazǵan bolatynbyz.
