Jalǵan lańkestik úshin 6 jylǵa deıin bas bostandyǵynan aıyrý jazasy qarastyrylǵan

ASTANA. QazAqparat - Lańkestik týraly qasaqana jalǵan aqparat taratqany úshin jaza qatańdatyldy, dep habarlaıdy QR Bas prokýratýrasy departamenti basqarmasynyń prokýrory Ashat Mýsın.

Lańkestik týraly qasaqana jalǵan aqparat taratý asa aýyr qylmystarǵa jatady. Búgin osy áreketterge qatysty jaza kúsheıtildi - Qylmystyq kodeks boıynsha 6 jylǵa deıin bas bostandyǵynan aıyrý jazasy qarastyryldy», - deıdi A.Mýsın.

Onyń málimetterine qaraǵanda, 2013 jyly Qazaqstanda jalǵan lańkestik faktileri 35-ten 64-ke ósip, eki esege artqan. Jalǵan lańkestik úshin sottalǵan 64 adamnyń ishinde 49 adam bas bostandyqtarynan aıyrylsa, 11-i bas bostandyǵyn shekteý jazasyna, 3 tulǵa shartty jazaǵa tartyldy.

«Búgingi tańda quqyq qorǵaýshylarǵa lańkestik týraly jalǵan aqparat habarlaǵan tulǵany tabý qıynǵa soqpaıdy. Qazirgi zamanǵy tehnologııalar qylmyskerdi tez arada ustaýǵa múmkindik beredi. Qylmystyq jazadan qashý múmkin emes. Jalǵan habarlamadan túsken shyǵyndy qylmyskerlerdiń ózderi óteıdi», - dep atap ótti ol.