Jalǵan qujatpen júrgen 3 ózbekstandyq ustaldy
ALMATY. QazAqparat - Kólik polıtseıleri jalǵan qujattardy paıdalanǵan Ózbekstannyń 3 azamatyn ustady. Bul týraly QR ІІM Kóliktegi ІІD-niń baspasóz qyzmeti habarlady.
«Almaty-1 stansasyndaǵy Іshki ister jelilik basqarmasy kóshi-qon polıtsııasy qyzmetkerleri «Almaty-Núkis» baǵytyndaǵy jolaýshylar poıyzy vagondarynyń birinde jolaýshylardyń jeke qujattaryn tekserýi kezinde Ózbekstan Respýblıkasynyń 3 azamatynyń kóshi-qon kartochkasynda QR ІІM ІІO-nyń jalǵan móri basylǵanyn anyqtady», delingen habarlamada.
Qazirgi ýaqytta QR QK-niń 385-baby 3-tarmaǵy boıynsha (kórineý jalǵan qujatty paıdalaný) sotqa deıingi tergeý amaldary júrgizilýde.
Kólik polıtseıleri 2016 jyldyń basynan beri Qazaqstanǵa kelý erejesin buzǵan 1 112 shetel azamatyn ákimshilik jaýapkershilikke tartty. Sot qaýlysyna sáıkes 75 shetel azamaty elden shyǵaryldy.
