Jalǵan qujatpen ákelingen 150 mln teńgeniń qytaı kólikteri anyqtaldy

ASTANA. KAZINFORM — Bas kólik prokýratýrasy ekonomıkalyq kontrabanda deregi boıynsha júk avtomobılderin ákelýge qatysty sotqa deıingi tergep-tekserýdi bastady. Bul týraly Bas kólik prokýratýrasynyń baspasóz qyzmeti habarlady. 

— Qadaǵalaý organy júrgizgen taldaý barysynda elimizge Qytaı Halyq Respýblıkasynda óndirilgen quny 150 mln teńgeden asatyn, ekologııalyq talaptarǵa saı kelmeıtin júk avtomobılderin jalǵan qujattar arqyly zańsyz ákelý arnasy anyqtaldy, — delingen habarlamada.

Qylmystyq isti Bas kólik prokýratýrasynyń sotqa deıingi tergep-tekserý basqarmasy tergep jatyr, keshendi tergeý áreketteri júrgizilip jatyr. 

Aıta ketelik elimizde kólik sany 5,5 mıllıonǵa jetken edi.