Jalǵan qujat jasaǵan Qostanaı turǵyny memleketke 195 mln teńge zalal keltirdi
NUR-SULTAN. QazAqparat – QR QM Qarjy monıtorıngi komıtetiniń Qostanaı oblysy boıynsha ekonomıkalyq tergeý departamenti Tobyl qalasy turǵynynyń óz kásiporny atynan jalǵan mámileler jasap, sol arqyly memleketke iri kólemde zalal keltirgenin anyqtady, dep habarlaıdy QazAqparat vedomstvonyń baspasóz qyzmetine silteme jasap.
Aıyptalýshy 2017 jyly óziniń fırmasyn tirkep, Tobyl qalasynda keńse jaldaǵan. Klıent izdeý kezinde ol jalǵan esep qujattaryn rásimdeýdi usynǵan tanysyna jolyǵady. Tıisinshe, tanysy qolma-qol aýdarylǵan qarajattan 3-5% kóleminde syıaqy usynǵan.
«Sol ýaqyttan bastap ol múliktik paıda tabý maqsatyn iske asyrady. Tanysynyń JShS mekenjaıyna taýarlardy is júzinde jetkizbeı, jumystardy oryndamaı jáne qyzmetterdi kórsetpeı, jalǵan býhgalterlik qujattardy rásimdep kelgen. Memleketke 195724161 teńge somasyna zalal keltirildi. Qostanaı aýdandyq sotynyń úkimimen Tobyl qalasynyń turǵyny QR QK 216-baby, 3-bóligi., 28-baby, 5-bóligi., 245-baby, 3-bóligimen aıypty dep tanylyp, 5 jylǵa bas bostandyǵynan aıyryldy», - delingen baspasóz habarlamasynda.
Sondaı-aq, ol 3 jylǵa memlekettik jáne kommertsııalyq uıymdarda, jergilikti ózin-ózi basqarý organdarynda uıymdastyrýshylyq-basqarý, býhgalterlik qyzmeterdi atqarý quqyǵynan aıyryldy.
