Jalǵan qujat arqyly alaıaqtar bireýdiń úıin 41 mıllıon teńgege satyp jibergen
ALMATY. 15 tamyz. QazAqparat /Erbol Azanbek/ - Almatyda eń iri kólemde alaıaqtyq is-áreket jasaǵan úsh kúdikti qolǵa tústi.
Olar bireýdiń turǵyn úıin uzaq merizimge jalǵa alyp, ıesiniń joq kezinde jalǵan qujat jasaý arqyly úıdi satyp jibergen. 41 mıllıon teńge tabysty bólisý kezinde kúdiktiler qolǵa tústi.
Almaly aýdandyq ІІD bastyǵy, polıtsııa polkovnıgi Baqyt Qasabekovtyń aıtýynsha, ustalǵandardyń bireýi alaıaqtaǵy úshin izdeýde júrgen bolyp shyqty. Al, ekinshisi jaqynda ǵana esirtki saqtap, satqany úshin sottalyp shyqqan. Bularǵa qarsy qylmystyq is qozǵalǵan.
Almatyda ótken kúnderi taǵy birneshe iri qylmys jasaldy. Almaly aýdanynda ishimdikke sylqııa toıǵan anasy bótelekeles qyzynyń tamaǵyn pyshaqpen oryp jibergen. Qazirgi kezde 46 jasar Tatıana qamaýǵa alynyp, 25 jasar qyzy aýrýhanada jatyr.
Avtokólik urlyǵy Almaty úshin úırenshikti qubylysqa aınalǵandaı. Ótken táýlikte qalanyń Túrksib aýdanynda kórshisiniń «Mıtsýbısı Padjero» kóligin qyzyq úshin urlap shyǵyp, aıdap júrgen 23 jasar jigit qolǵa tústi. Iesiniń túngi 3 -tegi dabylynan soń jol polıtsııasy izdeý jarııalap, biraz qýǵannan soń ony qolǵa túsirgen.Ustalǵan K.esimdi azamat buǵan deıin de urlyq úshin sottalǵan bolyp shyqty.
Sondaı-aq ótken táýliktegi eń soraqy qylmys - adam tonaǵan úsh qyz qolǵa tústi. Almaly aýdanyndaǵy kafelerdiń biri mańyn toraýyldaǵan úsh qyzdyń nazaryna taksı ustap turǵan jas qyz ilikken. Elektroshokermen qorqytý arqyly onyń qol sómekesin oljalǵan úsheý qylmys jasalǵan orynnan kóp uzamaı-aq qolǵa tústi. Sómkede 17 myń teńge, qujattary, uıaly telefon bolǵan. Almaly aýdandyq ІІD bastyǵy, polıtsııa polkovnıgi Talǵat Seıilhanovtyń aıtýynsha, qolǵa túskenderdiń bireýi kámletke de tolmaǵan, qalǵan ekeýi 19 jasta. Olardyń bireýi emshektegi balasy barlyǵyna qaramastan adam tonap, nápaqa izdegen. Qazirgi kezde ustalǵandardyń basqa qylmystarǵa qatysy bar - joǵy tekserilýde.
