Jalǵan kýpıýra jasaý, esirtki saýdasy - Shymkenttiń eki turǵyny sottaldy

ASTANA. KAZINFORM - Shymkenttiń eki turǵyny jalǵan kýpıýralar men esirtki zattaryn satýǵa tyrysqan. Osy fakti boıynsha tergeýdi Qarjylyq monıtorıng agenttigi júrgizdi. 

Tergeý barysynda QMA qyzmetkerleri baqylaýymen qara-jasyl tústi ósimdik tektes zatty satyp alý júrgizildi. 

Keıinirek sarapshylar zertteý obektisiniń jalpy salmaǵy 5 kg bolatyn «gashısh» esirtki zaty ekenin rastady.

Sonymen qatar, atalǵan azamat jalǵan 10 000 AQSh dollaryn (100 dana nomınalymen 100 AQSh dollaryn quraıtyn banknottar) satý barysynda ustaldy.

Sondaı-aq, jedel izdestirý sharalaryn ótkizý barysynda onyń sybaılasy anyqtaldy, odan 13 100 jalǵan AQSh dollary tabylyp, tárkilendi.

Al onyń turǵylyqty jerin tintý barysynda salmaǵy shamamen 1 kg gashısh tabylyp, tárkilendi.

Sot úkimimen atalǵan adamdar kináli dep tanyldy, olarǵa 11 jylǵa jáne 5,5 jylǵa bas bostandyǵynan aıyrý jazasy taǵaıyndaldy.