Jalǵan qońyraý soǵyp, jurtty dúrliktirgen turǵynnyń bostandyǵy shekteldi
ORAL. QazAqparat – Oral qalalyq sotynyń úkimimen terrorızm aktisi týraly jalǵan qońyraý shalyp, jurtty dúrliktirgen V.Volodın QR QK 242-baby boıynsha aıypty dep tanylyp, úsh jylǵa bostandyǵy shekteldi.
BQO sotynyń baspasóz qyzmetinen túsken málimetke qaraǵanda, atalmysh turǵyn bıylǵy 26 maýsym kúni 17 saǵat 58 mınýtta mas kúıinde úı telefonynan BQO tótenshe jaǵdaılar departamentiniń kezekshisine qońyraý soǵyp, beıtanys úsh er adamnyń elektr eseptegish quralyn sheship alyp, onyń úıine jarylǵysh zat qoıyp jatqanyn habarlaǵan. Oqıǵa ornyna kelip jetken tıisti qyzmetter sol aýmaqty qorshaýǵa alyp, qosymsha kúshter qoıǵan.
V.Volodınniń qylmystyq is-áreketiniń saldarynan 17 myńnan astam teńge shyǵyn keltirildi.
Úkim zańdy kúshine engen joq.
