136 mln teńge jymqyrǵan: teatr dırektory kúdikke ilindi

ASTANA. KAZINFORM – QMA Shymkent qalasy boıynsha departamenti «Shymkent jastar teatry» ShJQ KMK dırektory men ózge de laýazymdy tulǵalarǵa qatysty 136 mln teńgeden astam kólemindegi bıýdjet qarajatyn jymqyrý faktisi boıynsha tergeýdi aıaqtady.

Memlekettik bıýdjetten kontsert ótkizýge arnalǵan jabdyqtardy (sonyń ishinde kolonkalar, sabvýferler, sahnalyq ferma, kúsheıtkishter, mıkrofondar jáne t. b.) satyp alýǵa 320 mln teńge bólingen.

— Alaıda satyp alý talaptaryn buza otyryp, lottardy qoldan bólshekteý arqyly 20-dan astam ataý boıynsha satyp alý elektrondy dúken arqyly júrgizilgen.

Elektrondy saýda alańy arqyly jabdyqty naqty jetkizbegen jalǵan jeke kásipkerlermen kelisimsharttar jasalyp, qarajat qolma-qol aqshaǵa aınaldyrylǵan.

Kúdiktilerdiń biri qylmystyq jolmen alynǵan tabysqa jalpy quny 48 mln teńge bolatyn avtokólik pen páter satyp alyp, múlikti jasyrý maqsatynda olardy senimdi adamdardyń atyna rásimdegen, — delingen QMA habarlamasynda.

Sottyń sanktsııasymen atalǵan múlikke tyıym salyndy.

Kúdiktiler qamaýǵa alyndy. 

Aıta ketelik Astanada jalǵan qarjylyq qujat jasaǵan on adamǵa úkim shyqqan edi.