Jalǵan ekstrasenster tutqyndaldy
ASTANA. QazAqparat - Máskeýdegi Tver aýdandyq soty 13 «jalǵan ekstrasensti» tutqyndady, taǵy altaýy úıqamaqqa jiberildi, úsheýi syrtqa shyqpaý týraly qolhatpen bosatyldy, dep habarlady Reseı ІІM baspasóz qyzmetinen.
Polıtsııa derekterine súıensek, qylmyskerler ár telearnalardan barlyq tilek bildirýshilerge ekstrasens kómek kórsetedi degen jarnama bergen. «Ekstrasensterdiń» kómegine RF, TMD-dan adamdar júgingen. Top qatysýshylary azamattardyń senimine kirip, olardyń otbasylyq, jeke problemalaryn sheship beretinine sendirgen. Bir ereksheligi, adamdar eshqaıda baryp áýre bolmaıdy, ekstrasens magııalyq rásimderdi qashyqtyqtan da júrgizetin bolǵan. «Qyzmetin tólegennen keıin ekstrasens seans júrgizgen, alaıda bir kúnde «kúrdeli» problemalardy sheshe almaǵan, klıentke taǵy da birneshe seans ótkizý qajettigin usynǵan. Klıenttiń tólem qabilettiligine jáne qansha rásim ótkizgenine qaraı qyzmet quny 20 myń rýblden birneshe mıllıon rýblge deıin túrlenip otyrǵan».
Aldyn ala derekterge súıensek, uıymdasqan top áreketinen 300-den astam adam zardap shekken. Al azamattarǵa keltirilgen shyǵyn 150 mıllıon rýblden astam.
