Jalǵan banknottardy qalaı anyqtaýǵa bolady
2021 jyldyń qańtar-naýryz aılary aralyǵynda Ulttyq Bank pen ekinshi deńgeıdegi bankter 760 950 teńgege qoldan jasalǵan 237 aqsha belgisin (236 banknot jáne 1 moneta) anyqtady. Ótken jylmen salystyrsaq, byltyr osy kezeńde qoldan jasalǵan 226 banknot tabylǵan bolatyn.
Jalpy kólemnen alyp qaraǵanda, osy jyldyń birinshi toqsanynda qoldan kóp jasalǵan aqshalar – nomınaly 2 000 jáne 5 000 teńgelik banknottar boldy – 65% jáne 23%, basqa banknottar men monetalardyń úlesi – 12%.
Jalǵan banknottardyń kóp bóligi – Almatyda (169), az bóligi – Qyzylorda (2) men Jambyl oblystarynda (2) anyqtaldy.
Banknottyń túp nusqasyn jalǵan aqshadan ajyratý úshin onyń birneshe belgisin bilý jetkilikti.
Eldegi jalǵan banknottardyń negizgi bóligi jeńil tehnologııamen jasalady, olar túpnusqadaǵy negizgi belgilerdi tek ımıtatsııalaýmen ǵana shekteledi. ıAǵnı, arnaıy jabdyqsyz-aq jalǵan banknottardy qolmen ustap, muqııat qarap ta anyqtaýǵa bolady.
Túpnusqa banknottyń birneshe aıryqsha belgisi bar.
Birinshiden, ol ózine tán erekshe shytyrlaıdy, ekinshiden – arnaıy relefi bar. Sonymen qatar barlyq banknotta kórý qabileti nashar adamdar úshin saýsaq ushymen ajyratýǵa bolatyn belgiler bar. 1000, 2000, 5000, 10000 jáne 20000 teńgelik banknottarda tús ózgertetin boıaýmen jaǵylǵan beıneler bar. Kólbeý buryshyn ózgertken kezde órnek túsi jasyldan altynǵa ózgeredi. Sonymen birge jaryqqa tosyp qaraǵan kezde jazýy bar tutas jip retinde anyq kórinetin, jazýy bar pýnktır túrindegi tutas magnıtti jáne úzik-úzik jipke nazar aýdarǵan jón.
Banknottardyń osy bir erekshelikteri arnaıy jabdyqty paıdalanbaı-aq túpnusqany lezde kózben qarap, tekserip shyǵýǵa múmkindik beredi.